Bizkaitik Mutrikura begira

Osinaldeneko harategia, agur 70 urte ondoren

2012-01-08T17:42:00.000+01:00

Oraingoan harategiei tokatu zaie irtetzea blogean. Orain dela egun batzuk Pikotxikineko harategia ekarri nuen hona, eta oraingoan Osinaldekoa.
Hirurogeita hamar urte ondoren, datorren zapatuan ixten ditu ateak betiko.

Sasoi batean, goiko plazatik hasi eta erdiko kalean beherantz hainbat harategi genituen aukeratzeko: Urkiri, Manuel, Elias, ... gero beheko plaza inguruan Pikotxiki eta Osinalde. Aipatutako guztietatik bakarra geratu zaigu, Manuelena, Arrizabalaga izenarekin ezagutzen dena.

Gehiago jakin nahi baduzu:
KALAPUTXI
Diario Vasco

MUTRIKU RTVEren Gabonetako iragarkian

2011-12-28T01:07:00.000+01:00

Pikotxikineko harategia

2011-12-26T21:29:00.000+01:00

Badakizu??... Beste denda txinatar bat zabaldu duteMutrikun, oraingoan Pikotxikineko harategian. Hori esan zidaten Gabon eguneko iluntzean. Betiko dendak itxi eta oraingomartxan Chinatown bihurtuko zaizkigu herriak,ze pena! pentsatunuen.

Baina hurrengo goizean, harategiaren bizi guztiko kartelaikusi nuenean… pena ez, haserrea etasumindura somatu nuen. Burnizko bi abizenen ezkutuen gainean pintada gorriak zeudenjarrita, txinatar hiru letra, espraiez margoztuta, pintada bat bezela. Euren letrak izango dira,batek daki zer esan nahi duten , eta argi dago ezjakintasuna jabetu dela horiegin duenaren buruan. Baina gauza bat da ezjakintazuna,eta bestea prepotentziaeta zakarkeria.

Iparragirre- Aranberri

Suposatzen da Udaletxeak edukiko duela arautegia dendetakokartel, erakusleiho eta abar legeztatzeko, eta baita ere, pintadak debekatzekoeta, behar bada, egilea zigortzeko.

Mutrikuko alde zahar erdian ezin da onartuhorrelako astakeri eta errespetu faltarik. Denak ez du balio, eta dena ezin daonartu. Herriko bati ez zaiona onartuko ezin da onartu kanpoko bati, arrazakerisusmo faltsoaren beldurragaitik. Denok, bai herrikoak zein kanpotik gure arteraetorri direnak ere, gure bizimodua aurrera ateratzeko eskubide osoa daukagu,baina denok legedi berdinaren menpe gaude. Integrazioaren lehen pausua da horiulertzea.

Gaba Beltza

2011-10-30T23:15:00.016+01:00

Xesteron kontra, animen alde...
Hau kantatzen omen zen Mutrikun XX. mende hasieran Gaba Beltza ospatzen zenean. Ondo agertzen du Nagore Irazustabarrenak 2001ean Argia aldizkarian egin zuen erreportaian:

Gaba Beltza: Herioren festa Mutrikun

Mutrikuarra ez denari asko kostatzen zaio jai hau bertakoa eta aspaldikoa dela sinistea. Orain mundu globalizatu honetan, Halloween jaia heldu da Euskal Herrira eta jende askoren gaitzespena lortu du. Umeek eskoletan, ingeleseko orduan, hainbat bider margotu dituzte kalabazak eta eskeletoak, eta azkenean etxeetara heldu da anglosaxoniarren ospakizuna. Horrela gaitza da gure kultura jakinaraztea.

Hori bera gertatu zitzaion Joxemari Carrereri ipuin beldurgarriak kontatzeko gonbidatu zutenean. Horri ezker jakin zuen bere amak ere txikitan ospatzen zuela.Carrere kontalaria.

Atzo, Gaba Beltza, umeak mozorro beldurgarriekin atera ziren kalera. Goiko Plazan "Berpiztuak" agertu ziren eta beldurrez saltaka batzuk egin zituzten. Atzoko argazkiak:

Gaba Beltza ala Gau Beltza?

Mutrikun gaba esaten dugu, baina Xabier Kintanaren idatzi batek izan zuen iruzkin zerrenda luzea eztabaida honetan.

Orain dela 19.000urte bisonteak Mutrikun

2011-10-06T20:22:00.000+02:00

Aranzadik orain dela 19.000 urteko estepako bisonte baten buruhezurra aurkitu du Mutrikun (Gipuzkoa). Pedro Castaños Aranzadiko paleontologoak eta Xabier Murelaga EHUko irakasleak jakinarazi dutenez, hautsita zegoen arren, osatu egin dute, eta modu horretan Iberiar Penintsulan aurkitutako bisonte baten buruhezur oso bakarra bihurtu da.
(Berria egunkaritik hartua)
Diario Vasco
Noticias de Navarra
El Correo
Gara
Noticias de Gipuzkoa
Deia

Malenak 2011

2011-08-18T00:58:00.006+02:00

Mutriku malenak 2011

View more videos from lursu

Gutxitan atera izan ditut pertsonak agertzen diren argazkiak eta gutxiago umeak ikusten direnak, baina aurtengo Malenetako argazkiak plazaratzeko gogua izan dut, egon ez direnek jaien berri izan dezaten.Bera agertzen delako norbait mintzen bada, postaz harremanetan jarri eta ez dut izango arazorik argazki hauek kentzeko.

Areetatik Mutrikura atoiontzian. 1910.

2011-06-03T18:31:00.005+02:00

Gaur egun Getxotik Mutrikura joan nahi badut garraio publikoa erabiliz, lehenengo metroa eta ondoren autobusa hartu behar ditut. Bi ordu luze pasa ondoren Mutrikura ailegatzen naiz, nola ez dut esango. Autobusa Bizkaiko txoko guztietan gelditzen da; eguraldi onarekin eta presarik gabe txango polita izan daiteke. Orain gainera, ez diot familiakoei esan behar Ondarrura etortzeko nere bila, Bizkaibusak Mutrikuraino heltzen baitira.
Baina nola joaten ziren orain dela 100 urte Getxotik Mutrikura?

La Gaceta del Norte 11-06-1910

1910.eko ekainaren 11n testu hau argitaratu zen "La Gaceta del Norte" egunkari bilbotarrean.
Garaian Mutrikuko Batzokia inauguratu zen, ondorioz Erandio eta Areetako Batzokiek txangoa antolatu zuten inauguraziora joateko. Baina nola? Itsasoz atoiontzian (erremolkadorian)... eta egun berean bueltatzeko!!!

Los nacionalistas

Excursión a Motrico

Fletado por los Batzokis de Guecho y Erandio, saldrá de Las Arenas el domingo 12 del actual, a las cinco de la mañana, el remolcador"El siglo", conduciendo a su bordo los expedicionarios nacionalistas que acuden a Motrico a tomar parte en los actos organizados con motivo de la inauguración de un Batzoki en dicho puerto.
El precio del pasaje es de dos pesetas ida y vuelta, verificándose el mismo día el regreso.

Xiri Andonegi, azkarregi joan den artista

2011-01-20T12:46:00.002+01:00

Atzo bere heriotzaren berria jaso nuenean hainbat irudi etorri zitzaizkidan burura: bere kuadroak, buruhandiak, logoak, eskulturak... eta Atxukale. Artista gaztea joan zaigu.

Hemen jarriko ditut sarean aurki ditzakegun bere aipamenak.
Xiri Andonegi eskultore euskalduna
Xiri-andonegi
Loretxu tabernan erakusketa
Erraldoi eta buruhaundi fabrikatzailea
Atxukale
Diario Vasco

ZORIONAK Kalaputxi !!! 100. zenbakia

2010-11-23T22:04:00.001+01:00

Klikatu gainean irakurri nahi baduzu.

"Nahixan" taldeak bigarren diska atera du

2010-11-15T23:35:00.001+01:00

Nahixan taldea

Aitxona Maldori egindako bertsoak.

2010-11-14T19:50:00.001+01:00

Hurrengo bertsoak nerabe batek bere aitxona mutrikuarrari egindako bertsoak dira. Aitxonarekin askotan joaten zen mailukixak batzera, kantatu ere egiten zuten, marrazkiak egin...

AITONA MAITEA:

Kontu kontari ibiltzen zinen

nire barre baten truke

zure ideiekin liburu bat

idatzi beharko nuke.

Asmatutako abesti denak

gogoratuko nituzke,

komikorik barregarrienak

inbidia izango luke.

Zu berriz ere ikustearren

duda izpirik ez nuke,

munduan dauden mailuki denak

hartzera joango nintzake.

Hainbat bidaia egin genuen

urpekontzi hori batean,

“the yellow submarine” irribarrez

kantatzen zenidanean.

Oraindik ere ikus zaitzaket

kantauriar kostaldean.

Txuri eta gorriz jazten ziren

mutilak irabaztean,

zure bihotzaren erritmoa

arintzen zen bapatean;

zenbaten esan ote zenuen

“bacalao” hitzen artean.

Itsasontzian eman zenuen

ia bizitza gehiena,

hori zelako nitaz aparte

zure jolas maiteena.

Lau marra eta bi makilatxo

gure irudirik onena,

baina guretzat ematen zuen

merkatuko bitxiena.

Marrazkien gai honetan izan

ohi da harrigarriena,

haur eta zahar baten buruek

imajinatzen dutena.

Nire bizitzan eman didazu

lekziorik gogorrena.

Gogoratzen dudan bakoitzean

datorkit burura pena.

Ez da inongo ikastoletan

umeek lantzen dutena.

Bihotzean eraman behar den

kontu garrantzitsuena,

maitasunaren azken urratsa

amodioz hiltzearena.

Zure bihotz maitearen jabe

gure amona izan zena.

Udako goiz batean joan zinen

txintik ere esan gabe.

Agurtzeko denbora eukita

izango ote zen hobe?

Ordutik daukat galdera latz bat

nire buruaren jabe,

esan liteke bizitza dela

hainbat arazoren labe,

izango al zen zure bihotza

bizitza bizitzen trebe?

Ez dakit, baina zure moduan

hil nahiko nuke nik ere.

Haizea Latxaga Sustaeta

" Katxastarrok" Anjel Bazterretxea "Keleo" zoriondu dugu

2010-11-14T19:03:00.002+01:00

Herri mailan jaso zenituen zorionak udan. Berrogeita hamar urte, benetan zoriontzeko zifra. Katxastarrok ere nahi izan genuen zeozer egin gurekin izan duzun jarrera eskertzeko.
Azken urteak hor ibili zara Mendaron eta sekula ez zara faltatu bertako ospitalean. Momentu txarrak pasatu arren beti egon zara ondoan animatzen, pasilloan gaixoekin pasiatzen, azpaldiko kontuak eta Katukaleko abenturak kontatzean...
Eta ez dugu ahaztuko gure etxekoak gure aita hil zenean, dana utzi eta Madriletik etorri zinenean funerala ospatzera.
Zorionak eta eskerrik asko Anjel.
Katxastarrak

Bada katalan bat gure herria asko maite duena... Pau Corcelles

2010-09-05T17:55:00.002+02:00

Pau Corcelles gure herria eta inguruarekin maiteminduta omen dago.Olatz, Kalbaixo, Lastur... maite ditu.
Orain dela hamabost urte hasi zen Mutrikura etortzen, batez ere Malenetako Santixo eguneko margo lehiaketara. Harrezkero urtero dator Malenetako garaian.

Bere hitzetan, bere herrian Igualadan, ezaguna omen da Mutriku. Bere blogean gure herriari dion maitasuna zabaltzen du, aipatzekoa da Mutrikuko udalaren web-orriaren esteka. Aurten ere egon da eta berak grabatutako tanborrada ikus dezakegu behean.
Eskerrik asko Pau.
Pau Corcellesen bloga

Moila berria konpontzen daude.

2010-09-05T00:05:00.001+02:00

Iaz,udan, itsasora joan nintzenean tenporalak egindako zuloa ikusi nuen moila berrian. Ura leku askotik ateratzen zen eta erdian zulo handi bat zegoen.
Aurtengo itsasoko irteeran obrak aurrera doazela ikusi dut. Horma berri bat jasotzen ari dira apurtutakoa estaltzeko.

Bermioko portuan... Motriku aurkitu !! (motortxikixa)

2010-08-07T22:55:00.018+02:00

Bermioko portuan goixeko ordu bidxetan...

Kanta hau oso ezaguna da,nik dakidanez, kostaldeko hiru herrietan , Mutrikun, Bermion eta Lekeition. Herri bakoitzean bere letra dauka eta gertatutako istorioak kontatzen ditu. Batzuetan hiru areoplanu bestetan lau edo bi... Mutrikura Angelitak ekarri zuen Bermiora Sebastianak...
Ez dut Lekeitioko bertsioa ezagutzen baina aspaldi lankide lekeitiar batek kantatu zidan eta antzekoa zen; doinua hiruretan berdina.

Gaurkoan Bermioko portuan Motriku izeneko motortxiki bat aurkitu dut.

Mutrikuko bertsioa Kataluniara ere heldu da. Han ikasleei erakusten zaie musikako klaseetan. Ikus dokumentu honen 27. orria La Carrau taldeak kantatutako bertsioa da. Ondoren entzun dezakezue bertsio alai hau katalanak kantatuta. Euskaltubetik hartu dut eta Axiomaxio-rena da.
Baina Euskaltube gaur egun (2011 urtean) desagertuta dagoenez You Tubera igo dut bertsio kurioso hau gal ez dadin.

Eta orain Mutrikuko mañelak kantatuta.

Eta azkenik Bermeokoa. Hemen abeslariak: Ana Tere Bengoetxea, Josu Zabalondo eta Ana Lupe Fernandez.

Lehenengo publizitatea entzun beharko da.

Debabarrenako kostaldea sustatzeko bideoa

2010-07-29T17:34:00.000+02:00

Ene Mutriku Maitia

2010-07-29T17:28:00.001+02:00

"Arbol de Sinople" - Manu de Ordeñana

2010-07-20T17:32:00.004+02:00

Mutrikuko berriak irakurtzen liburu baten aurkezpena irakurri nuen: Arbol de Sinople. Irakurtzeko gogoa sortu zitzaidan eta oporretan irakurtzeko asmoz bere web-orrian sartu eta bidaltzeko eskatu nion. Egun gutxi barru jaso nuen liburua etxean ohar bitxi batekin, irakurri ondoren ez bazitzaidan gustatzen ez ordaintzeko.
Oporretako lehenengo hiru arratsaldetan amaitu dut. Errez irakurtzen den historia da; gainera Mutrikun eta bere inguruan kokatuta dagoenez gustura irakurri dut.
Eleberri historiko honek benetazko datu asko ematen dizkigu eta XVI. mendean Mutrikun eta Gipuzkoan nola bizi ziren jakiteko laguntzen digu.
Ikasteko eta ondo pasatzeko liburua.
A, por zierto ordaindu diot eta gustura gainera!

Eitb-ren Kresala programa eta Mutriku

2010-07-15T01:27:00.001+02:00

Bideo honetan Berdel eguna eta 800 urteurreneko ospakizunak ikus daitezke besteak beste.

Juan de Landa, Hollywoodeko lehenengo euskalduna

2010-05-08T14:09:00.001+02:00

Gaurko Deia egunkariko Ortzadar gehigarrian irakurri dut titular deigarri hau. Hurrengo orrietan bere informazio gehiago daukagu:
euskonews gaztea

Lady Filstrup

euskomedia-auñamendi entziklopedia

Kataka Bilbon bizi da.

2010-04-04T23:50:00.002+02:00

Urte askotan Mutrikuko portuan egon den yate eleganteena azken hiru urtetan Bilbon bizi da. Gaur egun, belero eta yate asko ikus ditzakegu portuan, baina ni txikia nintzenean bi ziren gure erreferente nagusiak. Biak moilaberri ondoan zeuden atrakatuta, bat zuria, Txomin eta bestea beltza, Kataka. Moilaberritik salto egin ondoren hor ibiltzen ginen igerian ume danok bere inguruan, katetik zintzilikatzen eta buxa inguruan jolasten.

Kataka Portugaleteko Astondoa Astilleruetan eraiki zuten 1964. urtean. 2006ko urriaren 26an Subinas Guisasola familiak Bilboko Itsasadarra Museoari eman zion eta ordutik han dago Carola garabiaren ondoan. Aste honetan, bertan buelta bat ematen egon naiz eta itxura tristea hartu diot. Mutrikun bizi zenean ondo txukun eta elegante zegoen beti. Horren ardura, azken urteetan, Jose Juanek izaten zuen eta oraingo itxurak ez lioke asko poztuko.

Moila gainian sariak ...

2010-03-29T18:29:00.001+02:00

Jaietako programatik aterata. Malenak 1985

Intxirrixa gainezka!

2010-03-20T20:19:00.003+01:00

Argazki hau 1985eko Malenetako programatik aterata dago. Orduan Intxirrixan, marea behean egoten zen giroa ikusten da. Motor txikixak eta haundixak ere, garbitzeko eta pintatzeko aprobetxatzen zen. Sasoi hartan nere aitxak eta bere anaixa tio Joxek, "Maria Aranzazu" motor txikixa bertan konpontzen zeuen. Argazkian hor agertzen da gure "tio Joxe" eta Jesus "Begizuri" esandako motor txikiaren alboan. Nere aitxa uste dut makurtuta dagoela. Beste ezagun batzuk ere ikus ditzakegu, batzuk jada ez daude gurekin. Kofrai Zaharra ere desberdin dago, oraindik terraza itxi gabe eta restaurant bihurtu gabe.

Programa honetatik aterako ditut beste argazki batzuk. Merezi du.

ahotsa.com

2010-03-12T22:28:00.009+01:00

Mutrikuko euskera entzuteko aukera paregabea daukagu web-orri honetan, ahotsa.com. Ez euskera bakarrik, antzinako Mutriku nolakoa zen ezagutzeko posibilitatea ere ematen digute mutrikuarren ahotik entzunez. Honelako proiektuen atzetik beti dago norbaiten ekimena eta lana. Oraingoan, Garbiñe Garagarza eta Nerea Arrizabalagari eskertu behar diegu euren lana. Eurei esker Mutrikun bizi ez garenok , nahiz eta Ameriketan egon, entzun dezakegu Mutrikuko euskera.

Ez hori bakarrik, betirako altxor bat bezala geratu da gordeta denok entzuteko eta gozatzeko moduan. Ezagunak ditugun hainbat herritar ikus eta entzun ditzakegu: Manuel Arrizabalaga, Benita "Piker", Lore "Paletas", Maritxu "Benteria", Angel "Keleo", ... Ea hasitako lan hau ugaltzen den denon ekarpenekin.

Burumendi mendi taldea eta Zuatzu taberna

2010-03-06T22:14:00.004+01:00

Liburu zahar baten orrialdeen artean Burumendi Mendi Taldeko txartela aurkitu dut. Mendi tontorreko buzoietan utzi behar genuen gure izena jarriz eta gero beste mendizale batek Zuatzu (Bar Teodoro) tabernara bidaltzen zuen, horrela, tontorra egin genuela frogatuz. Txarteleko euskera bitxia da, batez ere alurkin hitza, ez dut entzun sekula.

Txartel hau ikustean hainbat gogorapen etorri zaizkit burura. Inguruko mendietara egiten genituen irteerak eta zenbat kantatzen genuen.

Baina batez ere emakume bat eta toki bat gogoratu ditut, Mª Luisa Zuatzu eta bere taberna xelebrea. Ni txikitan sarri joaten nintzen nere aitxakin. Bertara gizonak kartetan jokatzera joaten ziren etxetik arraina eramanez eta Mª Luisak bere sukaldean prestatzen zien afari-merienda. Garai hartan mahai gainetan ardo kuartilloak zeuden, itxuraz, oraindik ez zen txikiteatzen.

Arno edurtuta

2010-01-27T18:18:00.009+01:00

Hilabete honetan hotzak eta edurrak bisitatu gaitu gure bazterrak zurituz. Gaur ere hotza nabaria da eta seguru bihar goizean berriro ere elur malutak ikusteko aukera izango dugula. Oraingoan ez ditut nere argazkiak jarriko, Nerea Arrizabalagarenak dira. Mutrikuarrok edur usaina dagoenean Arnora begiratzen dugu ea tontorra zurituta dagoen ikusteko, edo horrela egin dut nik beti nere etxeko balkoitik begiratuz.

Gaurkoan Arnoko aterpeko eta gurutze inguruko argazkiak ikus ditzakegu mendirako botak jantzi gabe. Eskerrik asko Nerea, argazki ederrak.

Mutrikuko kantak

2009-12-22T21:41:00.007+01:00

Kantu Zaharrak Mutrikun CDa eta liburuxka argitaratu dira.

Joan zen urteko udan, 2008ko uztailean, atxukale.com irakurtzen proiektu honen berri jaso nuen: Mutrikuko kantak jasotzea, zein ideia ona.
Berehala hasi nintzen zer ekarpen egin nezakeen pentsatzen, eta nere aitxa etortzen zitzaidan burura. Berak ez zuen parte hartu inoiz formalki koruan, bere anaia tio Juanitok bezala, baina etxean asko kantatzen zuen eta bazkari edo afari baten ostean askotan. Ume zalea zen eta nere alabei hainbat kanta erakutsi zien, gurekin egin zuen moduan txikiak ginenean.
Horrela hasi nintzen umeen kantak bidaltzen: Hiru eta hiru sei, Gabon gabontzeta... eta baita ere lagunen bati ahaztutako estrofak birgogoratzeko eskatzen. Ondo pasatu nuen.
Gero blogean sartzen nintzen noizbehinka eta beste herritarren ekarpenak irakurtzen nituen.

Nere familiko ekarpenak hasi ziren agertzen eta berriro nere aitxaren izena, Romualdo. Orduan konturatu nintzen ni jaio baino lehen, Katu Kalian ilobei kantatzeko ohitura izan zuela eta nere lehengusinen memoriari esker kanta batzuk proiektu honetan azaldu dira. Ez dakit beste etxeetan kantatzen ziren baina gurean bai.
Kanta bat Astotxoa da eta bat batean Katu kalen ezagutu nuen astoa datorkit burura, Jabielarena zen eta Ipar kalean zegoen kortan bizi zen. Jabielak behin baino gehiagotan eramaten gintuen asto gainean bere baratzeraino.
Beste kanta Txurrerua; honetan ere Katu Kalen bizi zen txurro-saltzaile bat agertzen zaigu.
Argi dago garai hartako ahozko transmisioaren garrantzia.
Proiektu taldeko kide guztiak zoriondu nahi ditut amets hau gauzatzeagatik.
Bereziki Nerea Arrizabalagaren lana eta ekina aipatu nahi dut berari eta bere amari esker daukat orain nere aitxaren gogorapen gehiago.
Eta nola ez, zorionak kantatu duzuen guztioi. Baina zein ondo kantatzen den Mutrikun!!!

1965ko argazkiak. Nazareno eta mañelak.

2009-11-08T19:54:00.003+01:00

Aurreko posteko liburuxkatik atera ditut argazki hauek hobeto ikusteko.

DISCURSO DEL MARMITAKO

2009-11-08T19:34:00.002+01:00

Oraingoan ere nere amak gordetako altxor bat dakart blogera. Bertan dagoen informazioa ez dakit asko aportatzen duen gure herriko historiari , baina agertzen diren argazkiak bati baino gehiagori ilusioa egingo dio ikusteak, edo hori uste dut nik.
Liburuxka hau Bizkaiko Diputazioak argitaratutakoa da 1965. urtean, " Vizcaya" aldizkariaren separata bat da 25. zenbakia hain zuzen ere, Jose Maria de Areilzak idatzitakoa.

Argazki gehiago. 1984

2009-10-21T17:26:00.002+02:00

Mutriku orain dala 25 urte

2009-10-19T20:47:00.002+02:00

Nere argazki zaharren artean aurkitu ditudan batzuk joango naiz argitaratzen egun hauetan.

Kalbaixuak 1991

2009-10-15T21:03:00.005+02:00

Ez ditut orri guztiak aterako baina bai bertan agertzen diren bi. Batean, Antonio Arrietak, Mutriku futbol taldearen historia kontatzen digu eta bestean sinatu gabeko bertso batzuk agertzen zaizkigu.

Portuko itxura aldaketa... zer esan!

2009-10-15T20:57:00.003+02:00

Argazki hauei ezker gogora dezakegu Mutriku arrantzale herria dala/zala.
Hau ere 1991ko kalbaixuak programatik atera dut.

Berriz ere kalbaixuak gora ta behera

2009-10-15T20:49:00.003+02:00

Oraingoan 1991. urteko jai egitarautik atera ditut argazki hauek. Piñastei eguneko agazkiari begiratuz ikusten da nola aldatzen den herrikoen janzkera eta baita etxeak ere.

Kalaputxi sarean

2009-10-06T22:14:00.005+02:00

Berri zoragarria jaso det egun hauetan, Kalaputxi sarean irakurtzeko aukera badaukagula. Eskerrik asko Nerea.
Mutrikutik kanpo bizi eta sarian nahastuta gabiltzanontzat ideia pozgarria. Alboko esteketan jarriko dut sarrera besteekin batera eta ea Mutrikuko blogosfera haunditzen doan.

Zelakuak ziran 1990.urtian kalbaixoko jaixak?

2009-09-12T18:56:00.007+02:00

Kalbaixoko jaixak ditugu aurrian eta hona hemen ia orain dala hogei urte bete duen jai egitaraua. Neretzat txikia eta sinplea izan arren, badauka beste balore bat: azalean aizkolariaren beso azpian neure aitxa agertzen da, Maldo, eta bere alboan bere anaixa, gure "tio Joxe".
Barruan gure artean ez dauden batzuk ere irakurtzen ditugu, Lazkao-Txiki esate baterako.
Ondo pasau Kalbaixuak, erroska asko jan eta kontuz txakoliñarekin, batez ere goiti-beheran bajau behar badezue!!!

Nao Victoria Mutrikun

2009-08-24T17:54:00.008+02:00

Egun hauetan, abuztuak20 eta 23 bitartean hain zuzen ere, Nao Victoriaren erreplika ikusteko aukera izan dugu Mutrikuko portuan. Hona, Hondarribitik etorri da eta hurrengo egunetan gure kostaldeko hainbat herritan egongo da erakusgai: Lekeitio (abuztuko 27-30), Bermeo ( irailak 3-6), Santurtzi (irailak 10-13) eta Bilbo (irailak17-20). Harrigarria da ikustea zein leku gutxirekin nabigatu zuten garai hartan eta munduari buelta eman gainera. Ekintza honek Getariako udalaren laguntza dauka eta jatorria Andaluzian. Naoaren barruan ez dago gela asko ikusteko, kapitainaren kamarotia eta azpiko areto bat, bertan lema ikusten da barrutik. Azalpenak interesgarriak dira, bai bideo baten bidez ematen direnak eta bertako mariñel-gidak ematen dituenak ere. XVI. mendekoa denez lema oraindik ez da borobila, makila luze bat baizik. Han esan zigutenez gurpil formako lema XVIII. mendean azaldu zen. Beti dago zer ikasi.

Mutriku erria, Mutriku maitia, Mutriku guria...!!

2009-07-23T18:05:00.006+02:00

Gaur ume danakin batera herri osoak kantatuko du Zezilio Pagoagak egindako ereserkia, datorren urtean 40 urte beteko ditu gainera.
Hemen goian gabonetan izan dudan opari hunkigarriaren argazkia.

Malen txiki egunian gazte denborako jaixak gogoan

2009-07-23T16:52:00.005+02:00

Oraingoan, 1977.eko jaietako egitaraua dakart nere blogera. Azalean Iñigoren argazki zoragarria, zidarrezko ikutuarekin, eta bertan ikusten denez oraindik Motrico ginen paperetan. Barruko orrialdetan euskara ageri da indartsuago baina gure herriaren izenarekin zalantza zegoen, Motriku, Motriko...
Gogoratzeko datu bat, jaiak Mutrikuko Erregina edo Reina de Motrico aukeratzen hasten ziren KAI CLUB Sala de Fiestas-en, egun batzuk lehenago.
Antonio Arrietak idatzitako bi artikuluak interesgarriak dira: bata 50 urte lehenagoko Malenak gogoratzen, eta bestea C.D. Mutrikuk izandako denboraldi ona kontatzen. Bigarren urtean jarraian Preferenteko txapeldunak.
Hasierako goiko plazako argazkia ere bitxia da neretzat. Bertan plaza inguratzen zeuden tablau zaharrak ikusten dira, zenbat orduegoten ginen euren gainean bai zezenak edo txarlotada ikusten (argazkian bezala) edo gauean jendea dantzan eta pasatzen ikusten.

800 urte... ez da gitxi!!

2009-07-06T16:46:00.020+02:00

Ekainaren 28an arrantzaren inguruko lanbide zaharren eta bale harrapaketaren antzezpena burutu zen. Itxas Eguna. Orainguan neure anaixak, Romuk, ateratako argazki batzuk jarri ditut ospakizun polit honetan ez bainintzen egon.

Ziriako Andonegi, Argiaren egutegian

2009-05-09T20:27:00.003+02:00

Gaurko Argiaren egutegiko orria kentzerakoan Ziriako Andonegiren bertso hau aurkitu dut.

Mutrikuko gaitzizenak. Potronor.

2009-05-04T20:06:00.017+02:00

Gure herrian gehienak ezizenak edo gaitzizenagatik ezagutzen ditugu. Gai hau herri baten kulturaren zati garrantzitsu bat dela ezin ukatu eta horretaz, aspaldi jabetu ziren Mutrikuko gazte batzuk: POTRONOR KIROLARI KULTURZALE ELKARTEA hain zuzen ere.
1987an zabaldu zuten eurek jasotako zerrenda luzea eta
lan hau gogoratzea eta plazaratzea da nere gaurko asmoa. Ordutik gordeta izan dut eta ez dakit honelako lan gehiago egin izan duten.

Peña Gantxegui arkitektoa hil da

2009-04-07T22:15:00.024+02:00

Luis Peña Gantxegi Oñatin jaio zen 1926an eta bere gurasoak mutrikuarrak zirenez haurtzaroaren zati bat Mutrikun pasatu zuen. Bere lanaren aztarna ugari utzi dizkigu, gure herrriko eraikuntza askoren aruraduna dugularik. Ni neu bizi izan naizen etxea ere berak diseinatua da eta nere auzoko hainbat etxe ere bai.
Apirilaren 2an hil da eta ostiralean, apirilak 3, Mutrikuko kanposantuan hobiratu dute.
1958an egin zuen lehenengo obra eta ordutik hona esateko baten Mutrikuko etxe berri gehienak. Imanol Beristain "Piker" en etxebizitza zoragarria, San Miel aldameneko Arrasateren etxia, eleiza atzeko etxiak, Entzuseko etxiak, etxe rosak, Irixarreko etxiak, Konbentuko etxiak,... eta berriena 1992an.
Gure herriaren itxura asko aldatu duela ezin ukatu. Gehiago jakin nahi ezkero hemen bere web-orria. Elkarrizketa batzuk ere irakur daitezke.

Martxoak 8 emakumeen eguna.

2009-03-08T18:54:00.005+01:00

Gaurko egunaren adierazgarri hoberik ez dut aurkitu. "Mutrikuko kantak" blogean hara non ikusten ditut eskabetxeko kantak abesten gustora, por zierto, Mutrikuko andrak. Zorionak proiektu hau aurrera daramazuen guztiou.

Fuentes Medievales del Archivo Municipal de Mutriku (1237-1520)

2009-02-22T23:44:00.001+01:00

FERNÁNDEZ MARTÍNEZ, Montserrat eta HERRERO LICEAGA, Victoriano José eta MONTECELO FUENTEFRÍA, Lourdes (2007) Fuentes Medievales del Archivo Municipal de Mutriku (1237-1520). Eusko Ikaskuntza, Donostia-San Sebastián. ISBN 978-84-8419-136-0

Se presentan en esta publicación 113 textos conservados en el Archivo Municipal de Mutriku y ordenados de forma cronológica, los cuales abarcan desde la confirmación de la Carta Puebla realizada por Fernando III en 1237, hasta el cobro de una multa a los carniceros de la villa en 1520.

Mutrikuko Odriozolatarrak, errementariak

2009-02-20T20:39:00.003+01:00

XIX. mendeko azken herenetik aurrera, Odriozolatarrek, Mutrikun finkatutako errementari sendiak, inguruan behar ziren era guztietako burdinazko piezak egin izan dituzte, batez ere arrantzarako eta ontzigintzarako.

Odriozolatarrek arrantzarako tresnak ere egiten zituzten, besteak beste kako arruntak, hegaluzeak ateratzeko kakoak, baita izurdeak harrapatzeko salabardo edo arpoiak ere.

Berriz ere, Carmelo Urdangarin Altuna eta José María Izaga Reiner -en lanean informazio interesgarri hau aurkitu dut.

Bertan Olatzen

2009-02-20T20:22:00.001+01:00

Olatz

Alfonso VIII eta Mutrikuko balea

2009-02-20T20:07:00.004+01:00

Mutrikuarrek harrapatutako baleak oso preziatuak ziren garai hartan. Alfonso VIIIak eta doña Leonorek Mutrikuko balea oparitu zioten Santiagoko Ordenari 1200. urtean.

Motrico ofizialki Mutriku bihurtu zen

2009-02-20T19:55:00.004+01:00

Noiztik da gure herria Mutriku?

Los capitanes Olazarra, de Motrico

2009-02-20T19:04:00.005+01:00

José Garmendia Arruabarrenaren historiako ikerketa testu honetan Mutrikuko Olazarra familiako kapitainen berri irakur dezakegu. Itsas gizonak beti izan dira gure herrian, eta XVII. mendean ugari izan ziren Indietara joan zirenak. Aipagarria da nola mutrikuar batzuk heldu ziren Sevillan bizitzera aipatutako testuan agertzen den bezala, Ibarburu Galdona familia hain zuzen ere.
Gaspar de Olazarra, kapitaina, Maria Juana de Mizquiarekin ezkondua egon zen eta bere testamentua irakurtzea merezi du.

Aintzinako lanbideen webgune zoragarria

2009-01-21T20:10:00.004+01:00

Carmelo Urdangarin Altuna eta José María Izaga Reiner en lan bikainean oinarrituz egina dago webgune hau. Bertan, lanbide tradizionalen artean, itsasoari lotutakoak aurkitzen ditugu eta Mutrikuko hainbat datu eta aintzinako argazkiren bat ere bai . Lana euskaraz zein erderaz irakur daiteke. Interesgarria itsas arotzei buruzko atala, Mutrikuko ontziolak aipatzen ditu eta bertako artisauen izenak ere.

Publizitate gehiago 1975

2009-01-18T19:43:00.001+01:00

Motrico en el año 1848

2009-01-18T19:33:00.006+01:00

Alkatearen txostena Mutrikuko egoera azalduz 1975.urtean

2009-01-18T19:25:00.004+01:00

Etxe berriak, apartamentuak ... salgai

2009-01-18T19:21:00.002+01:00

1975.eko Malenak eta Kalbaixuak

2009-01-18T19:14:00.004+01:00

Actualidad deportiva motricoarra 1975

2009-01-18T18:16:00.003+01:00

Tia Tomasa Sustaetak irabazi zuenean...

2009-01-18T18:05:00.003+01:00

Garai hartan herria apaintzeari saria ematen zitzaion. Fatxada politenari, lorategi dotoreari... edo balkoi loratuari. Nere " ama besoetakoa" Tomasa Sustaeta eta bere senarra Ignacio Lecertua Katu kalian (Ipar Kale) bizi ziren eta euren balkoia Atxukaleko eskailetara begira zegoen geranio zoragarriz beteta.

Ziñua elkartea eta zaharren eguna

2009-01-18T17:53:00.004+01:00

Euskerak izan zuen tarte bat orduko programan. Argazkietan nere txikitako garaian ezagutu nituen hainbat nagusi. Oker ez banago lorak jasotzen dagoena Mª Petra zen (ez dakit abizena).

Juan Maria Egaña alkatearen agurra 1975

2009-01-18T17:44:00.004+01:00

1975 dendak, industria,

2009-01-18T17:23:00.005+01:00

1975. urteko jaietako programa

2009-01-18T17:11:00.005+01:00

Gabonetako jaietan Mutrikun egon naiz eta nere aiztak altxor haundi bat oparitu dit: gure amak gordetzen zituen hainbat gauza, euren artean Malenetako azpaldiko programak. Gitxi gitxika blog honetan plazaratzen joango naiz. Bertan ez jaiak bakarrik baizik eta orduko komertzioa eta industria gogoratzeko aukera ematen digu. Alkatearen idatziak irakurriz ere gauza bitxiak aurki daitezke. Esan bezala hurrengo postetan argitaratuko ditut.

MALENETAKO UMIEN DANBORRADA

2008-09-13T17:25:00.002+02:00

Bideo hau ikusten bada ez dabil hain gaizki. Ea ba!!!

Arazoak

2008-09-13T17:06:00.002+02:00

Arazoak dauzkat nere blogarekin. Ezin dut berritu eta seguruenik beste bat egitera behartuta nago.

Bitartean frogak egiten ari naiz eta hona hemen joan zen zapatuan atera nuen argazkietako bat. Zabaldutako erropa dana urdina da eta azpalditik ikusi gabe neukan honelako balkoirik.

Saturrarango kartzela

2008-07-23T01:15:00.007+02:00

Saturraranen egon zen emakumeen kartzelari buruzko datuak.

Cárcel de mujeres Saturrarán 1940 - 2007. Cesar Blanco.

Apuntes de la vida del pescador.Jose Maria de Burgaña.

2008-07-23T01:01:00.002+02:00

Mutrikuko sorterrian izaniko esperientzian oinarriturik, Jose Maria de Burgañak euskal arrantzale baten bizi eta lan-baldintzak deskribatzen ditu.
1939an idatzia izan zen .

Mutriku 1917an

2008-07-22T23:40:00.003+02:00

Alberto Martín Kataluniako argitaletxeak Geografía General del País Vasco-navarro izeneko obra argitaratu zuen 1915-1921 urte-tartean, Francesc Carreras i Candi-ren zuzendaritzapean burutu zena.

Provincia de Guipúzcoa (5. alea), Serapio Mugica Zufiriak idatzi zuen 1917an. Bertan Mutrikuri buruzko informazioa eta argazkiak agertzen dira.

Mutrikuko kantak. BRIS BRIS

2008-07-20T16:18:00.003+02:00

Bris bris bris
xauak ganbaran dabiltz
bris bris, bris bris.

Ez dakigu zer dan baina
mantoluziak badabiltz
bris bris bris
xauak ganbaran dabltz
bris bris bris bris.

Manto luziak kapa beltz
manto luziak kapa beltz
beti eramango
beti eramango
behin ere eramaten ez.

Kanta honen jatorria, nere laguna Idoia Arrizabalagaren hitzak:

Nere amona Malenek kontatu zidan gutxi-gora behera 1976an 84 urte zituela, beak eta bere lagun batzuk txikixak zianian moilan bizi zan andra bati, sorgina zala pentsatzen zeuen bat eta bere izeko zanari, kantatzen zixuela. Andra honen ganbaran zaatia entzutzen zala (xauak ganbara dabiltz) eta esaten zoala han goixan gizon bat zakala (kapa betza), baina gero sekula ez zala gizon hori inundik inoa ikusten (behin ere eramaten ez). Eurak burla bezela kantatzen zixuen etxe azpitxik pasatzeakuan

2002an kofraixa sutan

2008-07-05T18:31:00.000+02:00

LA MIRADA MÁGICA - MUTRIKU

2008-04-06T01:22:00.001+02:00

ITOIZ - "HAPPENING" BASERRIAN

2008-04-06T00:33:00.001+02:00

Mutrikuarrak Gijonen 1960

2008-03-21T20:28:00.011+01:00

Txanbeleneko Reina de la Paz eta Gran Txanbelena itsasontzietako marinelak 1960ko urrian Gijoiko portuan sartu ziren beste askotan bezela. Urriaren 5ean futbol partidua zegoen, Gijon-Orense, eta hara joan ziren xirak jantzita euria zelako. Hango periodista bati asko gustatu zitzaion taldeak egiten zuen efektu koloretsua eta argazkia atera zien. Kazetari honek gero Mutrikura bidali zien arrantzaleei argazkia eta familikuak gaur arte gorde dugu.

Bigarren iladan dauden bi marinelak Solabarrieta itsasontziko ondarrutarrak dira, bat Miel "Mutua".Ezkerretik hasita hauek dira argazkikoak:

Leonardo Oianguren Kaxku, Pako Ozkorta Kotxorro, Romualdo Sustaeta Katxas, Jose Juan Arreitunandia, Xabin Arrizabalaga, Isidro Arreitunandia Tolon (xira gabe), Antonio Oianguren Okon, Luxio Uranga Arno eta Martxiel Arrieta.

Mutrikuko argazki zaharrak

2007-11-20T22:55:00.000+01:00

Euskomedia Fundazioaren web orri honetan Mutrikuko hainbat argazki zahar aurki daitezke. Bertan Kofrai zaharrean arrain benta egiten 1920-24 artean; Astigarribian angulak harrapatzeko txanela bat;Arrizabalaga familia amuak egiten... eta beste batzuk.

On José Miguel de Barandiaran Mutrikuko portutik atera zen gerran

2007-11-20T21:19:00.000+01:00

Jose Miguel de Barandiaranek kontatzen du nola atera zen Mutrikuko kaitik gerratik ihesika.

Txikitako kanta

2007-11-20T20:47:00.005+01:00

Hiru ta hiru sei
hiru bederatzi,
hamar hemeretzi,
Ametzako txakurrari
dantzan erakutsi
bat hogei
bestia berrogei.
Solomo!!!

Viajes a Mutriku

2007-11-20T17:59:00.000+01:00

Hemen Mutrikuri buruzko bideo bat ikus daiteke.